قبل اسافر

قبل أسافر

قبل أسافر حن قلبي و قلت يمكــــــن تذكريــــــن

يمكن إنّك ما نسيتي قلـــــبْ أتعبنـــــي مـــــــــــــعه

قلتْ يمكن قــد ذكرتي عِشرتي واحْلــــى سنــــين

قــمت أبــــرّرْ كــــل غِيابك ابْظــــروف امْصنّــــــــــعه

معْ غياب الشمسْ واقف أنتظــرْ إنّــــــك تجـــــــين

حـــــزن عينـــــي قــــام يعكـــسْ ضيْ نجمه لامــــــــعه

صرت أسمع نبضْ طيرٍ في قفص صدري سجــــــــين

مع حبيبه في وداعـــه  -  يا عسى الله -  يجمـــــــــعه

يا عسى ربي يجيبكْ .. يا عســــى ربـــي يعــــــين

مــا قِطعت البحثْ عنّـــــك  و الأمل كيــــف أقطــــــــعه

و انْتظر طيفك يجيني من شمالْ و من يمـــــــــين

و ارْقبْ الخطــــوات و ابْحث في الجهات الأربـــــــــــــعه

كنت أسلي شوق نفسي في لقـــاكْ ابجملتـــــــين

قلت يمكـــن تمتحنـي بكـــــاس ضيق أتجـــــرّعــــــــه

اهْيَ تراقب موج بحري بين حيــن و بين حــــــــــين

كيف يصمــد (ف) العواصـف قاربـي و الأشــــــــــرعــــه

قبل أسافرْ يا غرامي قـــلتْ يمكن تسمعـــــــــين

صرْخــــةٍ رجّــــت كيانــــي مـــع هجيــــع الأمتـــــــــــعه

و (فْ) غيابك يا غيابي إرتعــــشْ ماضي دفـــــين

و انْكسر صبرٍ لبستـــه مـــــع سقــــوط الأقنـــــــــــعه

و انفطرْ قلبي و نادى و ارتجفْ صوتـــه ونــــــين

نــــبض قلبـي ما لقــــــى إلا صمــــتْ منّك يصفــــــــــعه

لو رجف شوقي و تزلزلْ ... سال وادي كل عـــــين

لــــو شهقْ قلبـــــي و نــادى يا تـــــرا من يسمــــــــــعه

كَنِّ طفلٍ صــــاح أُمّـــــه و افْتقد صدر الحـنـــــــين

لـــو صــــرخ صرخاتْ شوقــــه كيف نقـــدر نمنــــــــعه

كيف يمكن يا غرامي ينحنــــي هذا الجبـــــــين

و الطريـــق اللي مشيتـــه كيـــف يمكـــنْ أرجـــــــــعه

كيف يمكنْ فـــي وداعــه ينخرسْ قلبٍ حزيـــــن

معمــــــــعةْ صمــــتٍ تنادي صمــــت  يعشــــقْ معمـــــعه

و الغرور اللي عرفنـــي صـار ويــــن و صرت ويــــن

و الفكـــــر عانــــقْ شكوكــــه و الزوابع تبلــــــــــعه

و الصمود اللي سكنّـــي باعْ بيته و صــار لـــــين

حـــزن عيني اللــــــي خفيته كـــمْ تشقق مدمـــــــــعه

صرت أسأل نفسْ نفسي : كيف يمكنْ ترحلــــين

كيــــــف يقدرْ قلبْ قلبـــكْ ينسـى قلبٍ يتبــــــــــعه

قبل أسافر شلتْ قلبٍ ما اجْبرت كسره السنيـن

مـــا اقْــــدرت ريـــح المـــواسمْ مـــن محلـــــه اتْـــزعزعه

قبل أسافر جنْ قلبي و قلتْ يمكن تذكريـــــن

و البلا انّـــك  مـــــا ذكـــــرتي قلـــــبْ جننــــــي مــــــعه