التغذية الحية
مجموع 0 تقييم 0.00
منذ 2615 يوم   وديــــع 830  .  

إضافه رد جديد

في مجتمعنا الأردني وكما في كل المجتمعات هناك الثقافات والطبقات المختلفه
لكل طبقه طريقتها في العيش ومفهومها عن الحياه الذي يختلف عن الطبقة الأخرى ...
ولا بد ان يكون هناك اتصال بين هذه الطبقات والثقافات المختلفه وهنا يحدث احيانا التصادم وتحدث المفارقات

لناخذ مثال وقصة كثيرا ما تتكرر من واقع مجتمعنا

عائلة ابو مالك من الطبقة البرجوازية انسباؤهم دار ابو فلاح من الطبقة الفلاحة الكادحة من اهل القرى والريف

بتصير مناسبه عند عائلة ابو مالك وكالعاده هذول مناسباتهم في فنادق فايف ستارز وبيعزمو نسايبهم الاعزاء ( مع تخوف من هذه العزيمه) دار ابو فلاح .

اول منظر بتشوفه على باب الفندق بعد ما يصف البكم ابو فلاح لابس هالدشداشه او التشبر بركظ ركاظ كانه ناس لاحقه وراه ابنه فلاح لابس بدلة عرسه (طبعا هو تجوز قبل 8 سنين) شاد حيله كمان بس مش ملحق ابوه هو واخوه مفلح ووراهم الثلاثه ام فلاح لابسه مدرقة سودا وخزنه مرة فلاح لابسه جلباب ومعاها 3 ولاد ثنين على حظنها وواحد بركظ وراها وخديجه اخت فلاح
ام فلاح : يا زلمه شوي شوي عليش طاير ول
ابو فلاح : استعجلي يا مره ... الله اكبر

ابو مالك وام مالك اول ما يشوفو الجماعه فايتين بيقوموا يرحبو فيهم مع انه علامات عدم الرضا واضحه على محياهم
يا هلا بابو نسب ... اهلا اهلا موا موا

ام مالك بتمد ايدها من بعيد عشان تسلم بدون مباوسه ... بس وين .. هاي ام فلاح هاي .. بتسحبها سحبه زي (هالك هوجان) وبتعبي وجهها بزاق قد ما مصمصتها وبتفقع زغروته عالباب لولولولولولولولويييييييييي<wbr></wbr>ييييش ...
ام مالك بتتمنى الارض تنشق وتبلعها من الاحراج وبتحاول تبتسم بصعوبه

أجا دور أبو فلاح يسلم مدت ام مالك ايدها تسلم ... جفل ابو فلاح وفط هيك كانه حيه قرصته وفوت ايده من تحت الدشداش ومدها عليها ... ام فتحي فكرت الشغله فيها مسدس فاجت بدها تهرب بس لما سمعته بحكي والله متوظي فهمت الموضوع وسلمت عليه بهالطريقه العجيبه

قعدوا الجماعه عالطاوله وبلش الحكي

ام فلاح : يا عيب العيب ... يا عيب الشوم .. شوف هالبنات ممصلخات شلون وقاعدات بتشخلعن وبتطعوجن قدام الرجال
ابو فلاح: لا حول ولا قوة الا بالله الله يستر على ولايانا .. انا شو جابني هون ... أي انا حجي
ام فلاح: احكي ام مالك ... مش مستحيه ع شيبتها
ابو فلاح: خلص يا مره كلها ساعة زمن نأدي هالواجب ومروحين

اجت اخت العريس بدها تسحب خديجه من ايدها : حبيبتي اومي ارئصي مع الصبايا
فلاح : ايش ... والله لارقص ع قبرها ... تسهلي يا خيه احنا مش لهالسواليف
بعد ما راحت ابو فلاح عرش هيك : والله زلمه يا فلاح ونشمي ...

المهم بيبلش الكيك شو والسلو دانس ...

فلاح : ول ول ول .... شوف وشلون ملزق فيها .. أي هذول قاعدين بتباوسو قدام الناس
ابو فلاح : والله ما ظل غير انه يـ .... استغفر الله العظيم

وبيقوموا الجماعه عالبوفيه
طبعا ابو فلاح مستحي وبيقول لمرته أي والله ما هو منظر 200 زلمه بين النسوان كل واحد قاظب صحن وصاف عالدور مثل ايام الجيش اول تا يحطوله رز وشقفه لحم ما بتشبع ابن فلاح ...
برد عليه فلاح ... شايف هالناس هظول كلهم والله بغديهم بثلاثين منسف
ابو فلاح : أي والله انك صادق ... يعني هاالعشا مكلفهم شوي وشويات ... انداري

وبعد ما يتعشوا الجماعه بيروح ابو فلاح مشان ينقط العريس .... يا حبيبي
بيسلم عليه قدام الناس وبمد ايده بجيبته وبيحط بايد العريس عشر ليرات
العريس بيحاول انه يفهمه انه هون ما فيه نقوط بس ابو فلاح الاستقبال عنده ضعيف شوي بهالمواقف هاي وطلق 3 مرات وحرم 7 مرات وحلف الايمان المغلظه واضطر العريس يحط العشر نيرات بجيبته

ودعوا الجماعه نسايبهم وركبو البكم التويوتا الازرق ويالله على البلد


اذهب إلى: 
مجموع التعليقات (3)

رد: سوالــف حصيــدة اردنيـــة .(1).|جد نهفة|

 منذ 27 اغسطس 2007

بواسطة  وديــــع
عضو منذ 28 فبراير 2007
 مشاركات المستخدم تغذية أر إس إس


<smallfont>لا تدخلوا لتقروأ .. وتهزوا برؤسكم موافقين

أو ممتعضين .. بل ادلو بدلوكم..

وضعوا آرائكم ..


لعلنا نرقى .. من معين خبرتكم ..،،

ونشاركم الخبرة وتبادل المعلومات

تقبلوا فائق احترامي وودي ..
 

رد: سوالــف حصيــدة اردنيـــة .(1).|جد نهفة|

 منذ 27 اغسطس 2007

بواسطة  OxDaNdAnxO
عضو منذ 26 يوليو 2007
 مشاركات المستخدم تغذية أر إس إس
هههههههههههههه طقع يا وديع عنجد من الاخر وفرطتني من الضحك انا
 

رد: سوالــف حصيــدة اردنيـــة .(1).|جد نهفة|

 منذ 28 اغسطس 2007

بواسطة  TOP20
عضو منذ 29 مايو 2007
 مشاركات المستخدم تغذية أر إس إس

يا خوي يا وديع والله  ما في بعد السامر والدحية وتشبك ع الدبكة للصبح وثاني يوم تنزل المناسف  مش تقولي فندق  فايف ستار

ويسلمو ايديك حلوة

 

مواضيع ذات علاقة

 

مشاركات ذات علاقة

 

معلومات المحرر

6298  Points
542  موضوع
1523  تعليق

لوحة المعلومات

منتديات : ديونجيات

22077  موضوع
104568  رَد
502  وسائط متعددة مرتبطة

 المراقبين:

المنتديات

نجومنا

مشاركات مقترحة