راسب بالحب بتمييز

مرت هذه الرسالة على بعض الأخوة والأخوات مني أنا  " أنا وحيد ممكن أتعرف"

مش غريب أنو البعض طمش والبعض قال ليش وحيد إحنا معك 

 المهم أنا وحيد لإشي غريب

وهو أنو أنا راسب في الحب بتميز

عشان هيك قررت أبعد ورجعت أجرب وفشلت وأنا من اليوم حالف ما أودي لحدا أي رسالة لأني وحيد ومبسوط

ومن المعروف إنو الثانوية العامة أو الجامعة فيها دورات تكملية الحب كمان فيه وأنا أتميت 8 برسوب بهار يشار له

بالبنان

الحب الأول: رسوب فادح والسبب أنو أنا كنت صغير ومراهق علما بان إسم الحبيبة كان -----------

الحب الثاني: رسوب خطير مع إكمال والسبب أنو البنت أهلها بقربونا قرابة بعيدة "هيك أنا حسبتها" ويمكن يصير زواج أقارب وبعد الفشل تبين أنو جيرانتهم قرايبنا مش هم وإسم الحبيبة -------

 الحب الثالث: رسوب بسبب الغش حبيتها جدا وبعدين خطبت ليش لأنو أعز صحابي بس أكبر مني عرف أنها وفية وإسمها كان ----------------

الحب الرابع: رسوب لعدم التحضير قلتها بدي أخطبك وافقت قلت لأهلي قالو ولك معك مصاري قلت لا قالو 100 لا وهي قالت ما بتأخر وإسمها الكريم ------------.

الحب الخامس و االسادس: رسوب متوقع والسبب سقوط في أحد وظائف الحب الأساسية هو الإخلاص أنا كنت بحب ثنتين بنفس الوقت وهم خوات ولا حدا بتعرف بالموضوع المضحك أنا اللي رسبت حالي ولإسمهم -----------و ----------------.

الحب السابع: رسوب عابر وسريع لحب استمر يومين فقط والإسم-----------.

الحب الثامن: رسوب أخير وانسحاب مشرق لأنو ابن عمها اجا خطبها وانا هربت وإسم الحبيبة --------.

السؤال: بدك إياني أفوت حب جديد.

و الثاني أحزر أسماء حبيباتي السابقات إذا كانت جميعهن يبدأن بحرف "الدال" D