اكله صينى (لحم بالخضار

المطلوب:
نص كيلو لحم كندوز صغير
كوب بسله خضراء
كوب جزر مقطع صغير فى حجم البسله
كوب فاصوليا خضراء مقطعه حوالى 3 سم
2 بصله خضراء مقطعه 3سم من الرأس وحوالى اول 10 سم من العنق الاخضر
جنزبيل طازج
صويا صوص
زيت
كورن فلاور
ملح
فلفل
الطريقه :
يعتمد المطبخ الصينى على التحمير السريع جدا فى زيت قليل مقدوح اوى لدرجة التدخين
اول حاجه تقطع اللحم قطع صغيره جدا فى حجم طابع البوسته وسمكها لا يزيد عن 3-4 مللى ولتسهيل ده يفضل ان تكون اللحمه مبرده اوى او قبل التجميد بشويه
يقدح حوالى 3 ملاعق كبيره زيت فى طاسه عميقه لدرجة التدخين
يقلب اللحم المقطع فى 2 ملعقه كبيره كورن فلاور
يوضع اللحم فى الزيت المقدوح مع التقليب السريع على النار لمدة حوالى 10 دقايق
يرفع اللحم
فى باقى الزيت المقدوح ( لا يقل عن ملعقتين واذا كان نقص نزوده شويه ) يوضع الخضروات مره واحده مع التقليب السريع لمدة 5 دقايق والطريقه دى تخلى الخضار مقرمش من بره وطرى من جوه
يضاف حوالى 5 شرائح من جذر الجنزبيل
يضاف الملح والفلفل
يضاف ملعقتين صويا صوص
يقلب الجميع ويضاف اللحم بعد رفع الخليط من على النار
يؤكل ساخنا مع الرز الابيض
وبالهنا والشفا
ومساء الفل
وبعد كده خش (sleeping) هههههه