أجمل ما في الخطوبة العزايم الرومانسية!!!

عام   snowy منذ 8 سنوات و 11 شهور 230


أجمل ما في الخطوبة العزايم الرومانسية
المخطوبين بيروحوا على أحلى مطاعم في البلد وأخر انسجام

:: أول شي ::

خذي دقنك عند أي حلاق
قصدي خذي نصايحي التالية لما تطلعي أي عزومة مع خطيبك
بلا مايطفش وما تلاقي غيره ، العرسان ناقصين في السوق هالأيام

(1)
:: الشوكة والسكينة ::
لازم تعرفي الله يسلم عمرك
الشوكة تتمسك من ايدها من الطرف .. مش من الوسط ولا من البوز
وبطلي افلام الرعب الي بتشوفيهم .. مش خنجر هو

(2)
:: الخبز ::
لا تفضحينا هلأ وتقطعيه باسنانك
!! و لا تقطعيه نصين بايديكي وكل نص وابلع .. اوعي
الخبز بتقطع بالسكينة في الطبق .. وبعدين تاخدها لقمة لقمة وتاكليها بالعافية
!! قال يعني نفسك مسدودة
واضغطي على اعصابك شوي لحد ما تروحي بيتكم وهناك خدي راحتك زي ما بدك

(3)
:: الشوربة ::
أبوس كعب رجلك .. هذا البند مهم كتير
الشوربة تتشرب من غير صوت خالص .. ومن غير ما تقعدي تنفخي فيها
!! زي القهوجي الي بنفخ الحجر للزبون
اهم شي بالملعقة وبدون صوت .. عاد تكون سخنة، مولعة، برضه بدون صوت
ولا تنسي تسيبي تلت الطبق مليان
ولا تميليه ع طرفه وتلعبي حبشة مع أخر نقطة في الطبق

(4)
:: الرز ::
الرز طبعا يتاكل بالشوكة
إوعك تمدي ايدك ع المعلقة وتغرفي من الطبق وتعبّي !! إوعي
الرز بالشوكة .. وكأنك بتبوسيه مش بتاكليه

(5)
:: المكرونة الاسباجيتي ::
برضه بالشوكة .. تتلف على طرف الشوكة
لحد ما تخلص وبعدين في تمك في هدوء ومن سكات
مش تشفطيلنا المكرونة عود عود

(6)
:: السمك ::
هو السمك مشكلة شوي
ركزي معي لتعرفي كيف تفصلي اللحم عن الشوك
بتقطعي اللحم من النص بالطول .. وبعدين افردي اللحم ع الناحيتين
وبس تخلصي ناحية لا تقلبي السمكة .. بلاش فضايح
شيلي السلسلة بالشوكة والسكينة وحطيها في جنب الطبق
وكملي النص التاني
ولا اقولك .. بلا هالفيلم الهندي هدا كله
بلاها اكلة السمك .. قولي ما بحبش السمك وريحي حالك

(7)
:: الجمبري ::

اذا بتعرفيه يعني
اول ما ينزل صحن الجمبري .. بصّيله كدا من تحت لتحت
قال يعني زهقانة من كتر اكل الجمبري الجامبو في بيت الحج
الله يخليلك اياه .. واتنهدي بصوت هيك وقولي
هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك
انسي المصمصة في الجمبري خصوصا

(8)
:: البطاطس ::
سواء مسلوقة ولا محمرة
لا تهرسيها وترميها ع صحن الرز وتلغّي .. لا كدا غلط
بالشوكة وشوي شوي زي ما تكوني راح تبكي من كتر ما
البطاطس صعبانة عليكي يا عيني

(9)
:: الفاكهة ::
لو الفاكهة فيها بزر .. بتطلعيه من تمك بشويش
وتحطيه بايديكي وهي مقفولة .. و في طفاية السجاير الي ع الطاولة
وانسي نظام التفتفة .. مش وقته

(10)
:: النهاية ::
بس تخلصي أكل
تحطي ايدك ع بطنك -اللي عصافيرها بتزمّر من العينات الي شميتيهم
وتقولي مش قادرة ، مش ممكن .. اول مرة اكل بفجع هيك
قدامي اسبوع ما راح اطّلع بالأكل
وبعدين تمسكي الفوطة اللي دايما محطوطة ع الطاولة
بلا اهمية وتبوسيها .. قال يعني بتمسحي تمك
وبعدين استأذني مشان تصلحي الميك أب .. وتروحي التواليت
وطّلعي من شنطة ايديكي ساندويتش فلافل و شوية زتون وفحل بصل وقرن فلفل .. وبالهنا والشفا

إضافه رد جديد
مجموع التعليقات (3)
مجموع 0 تقييم 0.00

هههههههه حلو الموضوع .


منذ 8 سنوات و 11 شهور
مجموع 0 تقييم 0.00

شكرا والله الموصوع مع انه بيضحك بس يمفيد جدا يعطيك العافية

منذ 8 سنوات و 11 شهور
مجموع 0 تقييم 0.00

فعلا بتظهر كل شئ على حقيقته ...كتير حلو الموضوع .

شكرا جزيلا .


منذ 8 سنوات و 11 شهور