عزيزتي عندي ثلاث مواد تزيل بقعة الحبر الاستون واللي نسميه مزيل المناكير أو استخدمي التينر وهي مادة تباع في محلات الاصباغ والدهان لانها مزيله للصبغ وتخلط معاه احيانا وهذي المادة جدا رهيبه في ازالة جميع البقع مو بس الحبر والثالثة السفن اب تنقعين القماش فيه ليله كاملة اذا كنت غاسله البقعة قبل وبعدين تفركينها بالصابون بيدك لين تزول البقعة واذا كنت ماغسلتيها قبل النقع يكون لمدة ساعه اوساعتين وبالمناسبة السفن اب رائع جدا في ازالة بقع الدهون والقهوه انا مجربته وبالنسبه لمزيل المناكير مهم تجمعين منطقة البقعه بيدك وتحطينه عليها وتفركين بسرعه لانه راح يحلل البقعه وراح تحسين انها انتشرت بس لاتخافين بعد ماتفركين اغسليها بالصابون وماراح تلاقين لها اثر

بقع الحبر: إذا كانت البقعة حديثة يجب قبل غسلها ان تدعك بالخل ويفضل خل التفاح ويمكنك استخدام الزيت النباتي . أو تدلك بعصير ليمون وملح الطعام .. وفي حالة اللون الأبيض تنقع البقعة في اللبن الزبادي