بعد يوم شاق في العمل ووقت أكثر شقاء قضيته في وحدات البسترة البشرية أو ما كنا نطلق عليه المواصلات العامة، عدت إلى منزلي وقد شعرت بكل ملليمتر ألم في جسدي وبعد معاناة مع انتزاع ملابسي واستبدالها بأخرى جلست على الأريكة أمام التلفزيون في محاولة مني لتصفية ذهني، صادف عرض فيلم سيتي أوف أنجل وكعادة الأفلام الرومانسية لا يخلو الأمر من حاجة كدة هنا وحاجة كدة هناك وإنت فاهم بقى.

تقدمت إليّ ابنتي "اسراء" -في أولى إعدادي على فكرة- بملامحها ونظارتها وأسلوبها الذي يقترب كثيرا من ملامح وأسلوب الأطباء وسألتني قائلة: " بابا هو ينفع أعمل زي البطل والبطلة دول مع "هاني" ابن عمتي واحنا بنلعب؟!" فأجبتها بثورة بالغة "إيهههههههه!!!! لالالا طبعا إنتي اتجننتي؟.. دا حرااااااااام وعييييييييب!!، "هاني" دا زي أخوكي ولا أقولك من النهاردة مفيش مرواح عند عمتك دي تاني" فاستطردت "اسراء" في حديثها غير متأثرة إطلاقا بالغضب المتفجر على كل ملامح وجهي وصوتي وقالت: " يعني دا حرام؟" قلت لها كمن وجد ضالته: "أه طبعا حرام وأوعي تفكري تعملي زيهم"، فقالت في هدوء أشد من سابقه: "طيب يا سي بابا لما هو حرااااااااام وعييييييييب زي مبتقول أمال ليه بقى بتتفرج عليه وإحنا صايمين.... يا مااااااما.. يا ماااااااما.. تعالي شوفي بابا بيتفرج على إيه"!! فقلت في سري: "أه يا بنت الـ تيييييييييييييت"..

اتمنى تكون عجبتكم والى اللقاء مع حدوتة رمضانية ...صغيرة

تحياتى عاشق